سلفية التحرير , هل بدأت المراجعات ,, للشاب السلفي خالد الشافعي

الحمد لله رب العالمين ولا عدوان إلا على الظالمين وأشهد أن لا إله إلا الله وحده لا شريك له وأشهد أن محمداً عبده ورسوله أما بعد 

فقد جاء زلزال 25 يناير ليضع كثيراً من الأفكار فى مهب الريح ، وليجبر غالبية الناس على إعادة النظر فى الكثير من المفاهيم ، وعلى مراجعة كثير من المواقف التى لم تكن قابلة للنقد ، ولا للمراجعة ، فضلاً عن قابليتها للتغيير ، زلزال 25 يناير من هوله و ضخامته يكاد يكون لم يترك حجراً على حجر فى بلادنا . 

ومن المؤكد أن الدعوة السلفية - كغيرها من الجماعات - وجدت نفسها - فجأة بل فجأة جداً - أمام أحداث جسام ، باغتتها كما باغتت غيرها على حين غرة ، فى وقت لم تكن فيه الدعوة مستعدة لتغيير أقل من ذلك بكثير ( لا أجد حرجاً - وأنا السلفى - أن أقول أنه ومن وجهة نظرى فإن الجماعة الوحيدة - لا أقول فى مصر بل فى العالم - التى كانت مستعدة لهذه المفاجأة هى جماعة الإخوان المسلمين ، وهذه الجاهزية الكاملة واليقظة المعجزة كانت - بعد توفيق الله - هى سر نجاح هذه الثورة المباركة) 

يرى كثير من المراقبين - سواء من معسكر الخصوم أو حتى معسكر الأتباع والمؤيدين - أن الأداء السلفى كان كارثياً فى تواضعه وتخبطه ومستواه ، وأن الدعوة السلفية ربما تكون فقدت كثير من رصيدها فى الشارع ، وفقدت كثير من الأتباع المتوقعين ، بعد أن تركوا الملايين فى بحر الحيرة والتخبط ، وهم بين صامت وخابط ومائع إلا من رحم الله حتى كاد الشباب أن يفتن فى دينه ، وكادت السلفية أن تكون منقصة . 

وحيث أننى واحد من هؤلاء الأتباع ، وأدعى وأزعم أننى سلفى حتى النخاع ، فأنا الذى كتبت ( الحوينى الذى أعرفه ) وأنا الذى كتبت ( الرد الدامى فى الدفاع عن الشيخ ياسر برهامى ) وأنا الذى كتبت ( أنا وهابى فكان ماذا ) وأنا الذى كتبت ( السلفية والأمر الأول ) وكتبت ( التغيير الذى يريده السلفيون ) وأنا الذى أؤمن إيماناً جازماً أن السلفية هى الحل ، أسوق هذه المقدمة ، وأُذكر بهذه العناوين حتى أقطع الطريق على من سيكتب أننى علمانى أو إخوانى أو زلبانى ، ولأثبت أننى لا أكتب بقلم المبغض ، بل بقلم المحب . 

الإخوان والثورة والخصوم

جمال عبد الغفار يكتب عن الإخوان والثورة والخصوم [2/27/2011][11:30 مكة المكرمة]

هل تعلمون سادتي ما هي جريمة الإخوان العظمى الكبرى الفظيعة التي لا يمكن أن يغفرها خصومهم السياسيون وأبناء الشعب المصري الثائر وغير الثائر؟ هل تعلمون سادتي وقرائي الأعزاء الأحباء جريمة الإخوان التي تؤرق رجال السياسة ومراكز البحث الأكاديمي والسبهللي في مصر والعالم الخارجي والداخلي، والذي لم يدخل ولم يخرج؟ هل تعرفون سادتي جريمة الإخوان التي تكاد تعصف بمكتسبات ثورة 25 يناير التي روتها دماء الشهداء الأبرار؟ لا أريد أن أستطرد- وإن كان الأمر يستحق- حتى لا أبدو في غتاتة وسقالة الرئيس الخلوع بعد ثلاثين عامًا، أو سفالة الزعيم المجنون بعد واحد وأربعين عامًا في الحكم لم تشبع جنون عظمته بعد! لقد خرج جميع المحللين السياسيين في الفضائيات والجرائد يلطمون الخدود ويشقون الجيوب خوفًا على ثورتنا التي أبهرت العالم بسلميتها ورقيها الحضاري الإنساني؛ وكان الباعث لمكامن غدد الخوف والهلع والهستيريا عند سعادتهم هو: (قوة تنظيم الإخوان)!

هام جدا: إعترافات ضابط بالحرس الجمهورى ,, منقول كما وصلنا

من إئتلاف شباب 25 يناير‏ في 20 فبراير، 2011‏، الساعة 05:09 مساءً‏‏

برجاء قراءه و استيعاب خبراتى التى اكتسبتها طوال الثلاثون سنه الماضيه كضابط صاعقه ثم كضابط بالحرس الجمهوى كمساعد لمنير صالح مصطفى ثابت الاخ الاكبر لسوزان مبارك ثم كشريك رسمى باحدى شركات ابنه خالد لخدمات البترول و السبب الوحيد الذى دفعنى الى الكتابه الان هو اننى اشاهد الان الشعب المصر يتم خداعه من جديد و يتم الضحك على الشباب من الجيش و الاعلام و ايهامهم بانهم انتصروا و حققوا المستحيل و طردوا الطاغيه و خلاص تم تنظيف مصر تماما و لكن للاسف ليس هذا هو الحقيقه بل ان الذى تم التخلص منه هو رمز الفساد و ليس الفساد نفسه - الذى تم التخلص منه هو قمه الجبل الجليدى الظاهر فوق سطح الماء و الذى يعتبر خمسه بالمائه من حجم جبل الفساد الحقيقى القابع تحت سطح الماء و لذلك ارجو من شباب مصر الواعى ان يفتحوا عنيهم و يشغلوا مخهم ولكى يدركوا الحجم الحقيقى لعدوهم و عدو مصر

ما هذا الدور القذر والحقير الذى تلعبة مؤسسة الجيش

شعب قام بثورة والأحداث قادت الجيش ليكون على الرآس السلطة ممثلا عن الشعب جميع المحللين السياسين يطالبون الجيش بأقاله الوزارة لأنها تحتوى على عدد كبير من وزراء العهد البائد الفاسد ومنهم من هو متورط فى فساد كبير والشعب خرج بالملايين أمس يطالب بأقاله الوزارة والجيش ودن من طين وودن من عجين وعند كافر بمعنى الكلمة لعدم الأستجابة لمطالب الشعب لا يوجد احدا بمصر لدية مثل هذا العند إلا مبارك   الخلاصة واضخ تماما ان مبارك ما زال يحكم هذا الشعب .. وكيف لا أعلم    والأن وصلتنى الرسالة التالية

مبارك الذى يقولون انه لم يكن يعلم

نفس المبرر الهزلي المتبجح الذي طالما تغنى به الناصريون لتبرير جرائم حقبة زعيمهم أصبح الآن هو نفس المبرر الذي يتغنى به المتحسرون على "الطريقة غير اللائقة" التي اختتم بها (مبارك) حياته كرئيس لمصر .. دائما ما يردد الناصريون أن جمال عبد الناصر لم يكن يعلم شيئا عما ارتكبه ضباط الثورة وأتباعهم ضد الشعب المصري، وبعد ثورة 25 يناير جاء اليوم الذي يؤكد فيه الكثيرون أن مبارك كان ضحية لابنه جمال وأتباعه من رجال الأعمال الفاسدين .. لم أنجح أبدا في استيعاب كيف يصدق هؤلاء أنفسهم، وكيف يؤمنون بقدرة هذا الكلام الغبي على الإقناع، ودون أي انتباه أو شك في أنه يدين مبارك ويثبت ببديهية تامة أنه كان حقا طاغية يجب محاكمته وليس مجرد رئيس تنحى عن الحكم .. كأن من يتبنى هذا المبرر يخبرك ببساطة أن مبارك كان لا يريد أن يعكر أحد مزاجه، وأنه اختار جزيرة وردية بعيدة ليستمتع بالعيش فيها، وبما يضمن له أن يظل محميا تماما من سماع صرخات المصريين التي قد تفسد هناء حياته .. كأنه يريد أن يخبرك أن مبارك ترك ابنه وحاشيته يقتلون الناس ويسرقونهم .. لماذا تركهم؟ .. لو كان باختياره فهل هذا هو نموذج الحاكم الأمين الذي يجب أن يبكي عليه أحد؟ .. ولو كان مجبرا فكيف يمكن لشخص لا يمكنه السيطرة على أسرته أن يتولى مقادير أكثر من 80 مليون مصري؟.

ميزانية مصر الخفية

ليس كل نهب في مصر يتم من وراء ظهر الحكومة، ولكن هناك نهبا تمارسه الحكومة ذاتها، لا أقصد تربح الوزراء من مناصبهم، لكن ما أعنيه نهب من نوع آخر يستهدف مواردها المالية التي تستقطعها السلطة من بسطاء الناس، وتصب بعد ذلك فيما يسمى بالصناديق الخاصة، التي تمثل أحد مبتكرات النهب الرسمي. وهذه الصناديق بمثابة أوعية موازية تتبع الوزارات أو الهيئات العامة وتنشأ بقرارات جمهورية، لتستقبل حصيلة الخدمات والدمغات والغرامات وغير ذلك من الموارد لتحسين الخدمات التي تقدمها الهيئات العامة. لكن تلك الحصيلة لا تدخل إلى خزينة الدولة ولا علاقة للموازنة العامة بها، ومن ثم فلا تعرض تفاصيلها على مجلس الشعب، رغم خضوعها المفترض لرقابة الجهاز المركزي للمحاسبات، أمثلة لحصيلة الصناديق الخاصة:

تعرفوا إن مصر هي أغنى من دول الخليج مجتمعة

تعرفوا إن مصر هي أغنى دولة في المنطقة بس منهوبة تعرفوا إن مصر هي أغنى من دول الخليج مجتمعة ممكن ما حدش يصدق و يقول إني بهرج بس تيجو نحسبها؟ مصر عندها من موارد ليست موجودة في دولة في المنطقة مثل: عندنا بترول مكفينا و بنصدر الباقي. هو أه مش كتير بس على الأقل مكفينا و مش بنستورد من بره مصر هي رقم 6 على مستوى العالم في الغاز الطبيعي مصر هي رقم 2 على مستوى العالم في الذهب بعد جنوب أفريقيا بعد اكتشاف جبل السكري مصر عندها من المعادن مثل المنجنيز و الفوسفات و المحاجر و غيرهم ما يكفينا و كمان بنصدر منه مصر عندها المياه ببلاش مصر عندها كهرباء بتتصدر للأردن و ليبيا و غيرهما من الدول المجاورة مصر عندها قناة السويس اللي بتدخل في السنة 4.7 مليار دولار مصر عندها عمالة رخيصة مقارنة مع كل الدول المحيطة مصر غنية بأبنائها اللي دايماً يهربوا برة علشان الفلوس أو العلم و اللي موجود منهم يكفي لنهضة 10 دول غيرها مصر عندها ضرائب غير مسبوقة على الدخل تصل إلى 20 % بس مش عارفين بتروح فين مصر عندها ضرائب على الممتلكات و على الصناعة بس مش عارفين بتروح فين مصر بتاخد جمارك على السيارات تبدأ من 100 % .... تخيلوا مصر هي الأولى في الشرق الأوسط في صناعة الأسمنت و بنصدر كميات مهولة مصر هي الأولى في صناعة الحديد على مستوى الشرق الأوسط فلوس بيع القطاع العام فييييييييييييين؟؟؟؟؟؟    و لا هو غرق طب و بعدين؟؟؟؟؟؟؟؟؟؟؟؟؟؟؟ لو قعدت اكتب مش هخلص بس هقولكوا.................... كفاية كده مين في الدول العربية عنده اللي عندنا؟؟؟؟؟؟؟؟ كل دولة عندها مورد واحد فقط أو بالكثير 2 مثل قطر عندها بترول و غاز بس الدول دي بتحط الفلوس في مكانها الصحيح علشان كده خلت بلدها أفضل من امريكا و أوروبا

الثورة على الكتالوج الامريكى لمصر

الثورة على

الكتالوج الامريكى لمصر

بقلم / محمد سيف الدولة

  Seif_eldawla@hotmail.com

        كانت مصر تدار وتحكم منذ عام 1974 ،  بموجب كتالوج وضعه الامريكان للرئيس السادات ونظامه ، فالتزم به هو ومبارك من بعده .

ويعتبر هذا الكتالوج هو الدستور الفعلى والحقيقى لمصر ، فله السيادة على دستور 1971 .

و كان الهدف الرئيسى لهذا الكتالوج هو تفكيك مصر التى انجزت النصر العسكرى فى  1973

تفكيكها مسمارا مسمارا، و صامولة صامولة

واستبدالها بمصر أخرى غير راغبة فى مواجهة اسرائيل ، وغير قادرة على ذلك ان هى رغبت .

 فامن اسرائيل ، هو الفلسفة والغاية التى من اجلها تم تصنيع مصر الجديدة ، مصرعلى الطريقة الامريكية .

ولهذا الكتالوج المقدس ، خمسة ابواب ، نستعرضها معا بابا ، بابا :

الباب الاول :

§هو ابقاء سيناء رهينة ، بحيث يمكن لاسرائيل ان تعيد احتلالها فى اى وقت تشاء خلال ايام .

شبهات حول الثورة المصرية

عندما بدأ الشباب بعمل ثورة يوم 25 يناير تطالب بالتغيير بشكل شامل و لكن سلمي ، أيد هذه الثورة الشريفة كافة طوائف الشعب ، و رأيناهم يلتفون حولها و يباركونها ، و لكن الأمور أخذت منعطفا جديدا من بعد عدة تنازلات للرئيس مبارك ، و بعد عودة الانترنت للعمل ، و بعد ظهور وجوه جديدة تمثل السلطة مثل اللواء عمر سليمان و اللواء أحمد شفيق ، و تمثل هذا في النقاش حول جدوى الاستمرار في التظاهر و الاعتصام ، و فيما يلي أبرز نقاط هذا النقاش بين معارض لاستمرار التظاهر و مؤيد له .

معارض: لقد تحققت كل مطالب المتظاهرين على يد الرئيس مبارك من خلال عدة مواقف و مراجعات ، فلماذا نستمر في التظاهر؟

مؤيد: لم يتحقق أي من المطالب ، كل ما تحقق هو تغيير شكلي في بعض الوجوه التي تنتمي إلى نفس النظام ، و تتبنى نفس السياسة ، بالاضافة إلى بعض الوعود التي تفتقد إلى ضمانات ، و صدرت عن شخص فقدنا الثقة فيه هو الرئيس مبارك .

معارض: إن في كلامك مغالاة ! فالوضع الآن هو بكل تأكيد أفضل عما قبل ..

مؤيد: الوضع الرسمي و القانوني لم يتغير حتى الآن ، و كما قلت فإن الوعود يتم الالتفاف عليها من قبل ترزية القوانين ، و جميع آليات النظام القديم مازالت قائمة ، متمثلة في نفس الرئيس ، نفس الدستور ، نفس المجالس النيابية المزورة ، و نفس الحكومة الملوثة.

مقالة رائعة: كيف تخدع شعبك في أربع خطوات؟ .. دليل الحكومة الذكية لتضليل الإعلام

  

"إذا أردت السيطرة على الناس أخبرهم انهم معرضون للخطر وحذرهم من أن أمنهم تحت التهديد، ثم شكك في وطنية معارضيك" .. بهذه الاستراتيجية الإعلامية الفعالة نجح أدولف هتلر في تعبئة ألمانيا النازية لدخول الحرب العالمية الثانية.. وبنفس الأسلوب نجحت الإدارة الأمريكية الحالية بعد أكثر من نصف قرن في شن حملة إعلامية ضخمة لإقناع شعبها بضرورة خوض الحرب على العراق مهما كان الثمن.. وطبعا ده غير حكومات تانية كتير قوي.

معرفش ليه الكلام ده افتكرته اليومين دول وسط الأحداث اللي بتمر بيها مصر واللي الإعلام انقسم فيها إلى نوعين، انا هسيب ليكم تقسيمهم على كيفكم وتصنيفهم براحتكم.

المهم أن الكلام السابق ده بتاع راجل اسمه دينيس جيت قابلته من 3 سنين في جامعة فلوريدا، "ايوه عارف هتقول ايه ما أصل انا خاين وعميل للأمريكان وبموت في الخيانة عموما دي كانت رحلة قصيرة جدا"، هو كان ماسك هناك مركز للعلاقات الدولية، والراجل نفسه كان سفير أمريكي في عدة دول وكان شغال في المكتب الإعلامي للبيت الأبيض، ولما قابلته كان بيشرح للناس في الجامعة إزاي جورج بوش نجح يخدع الأمريكان ويشحن الرأي العام عشان يقنع جزء من الشعب بأهمية الحرب (ابن اللذينة معرفش إزاي عدى ساعتها من حرس الجامعة لحد ما فهمت ان مفيش هناك حرس جامعة) .. المهم أنه شرح للناس إزاي أي حكومة من أيام هتلر لحد أيام بوش بتوظف الإعلام للخداع والتضليل وده بـ4 طرق.

أيها السلبيون.كلوا استفندى.اتفرجوا على التلفزيون المصرى.واسكتوا

أيها السلبيون.كلوا استفندى.اتفرجوا على التلفزيون المصرى.واسكتوا by Dr-Ahmed Dandarawy on Thursday, February 3, 2011 at 7:00am  يا عم بالا مظاهرات بلا قرف.عايزين ناكل عيش.أقعد فى البيت يا جدعان كفايه مظاهرات ماهو عين نايب وغير شوية وزرا.حلو مش وحش يا شباب العيش والخضار غلى وعايزين ناكل ونروح نشوف مصالحنا فى ناس هو ده مبدئها فى الحياه.ادينى جبنه وعيش وسيب الحكومه تعيش   صحابى اللى عايشين بره بيقولوا الغرب بيقول علينا شعب سلبى وبتاع بطنه تسمعوا عن غاندى؟ عمر المختار؟جيفارا؟ ايوه هوه اللى صورته على الحيطه تعرف يعنى ايه طموح؟ دفع الظلم؟ الساكت عن الحق شيطان؟ شعب متحضر بيتظاهر سلمى؟  طب بلاش...هقولكم حاجه حلوه أوى   انا دخلى فى الشهر اكتر من 3 الاف جنيه عندى عربيه وشقه وبسافر اتفسح بره مصر عمرى ما كنت من الطبقه المطحونه بس خرجت يوم جمعة الغضب وبعدها عشان أقول عايز حق اخواتى المطحونين عايز حق الغلابه فى العشوائيات والقرى والنجوع عايز حق الشاب الغلبان اللى بيتخرج من كليته مش عارف يشتغل مش قادر يتجوز وهيموت.والبنت أهلها اتخنقوا من الانتظار! مش عارف ينزل يخرج مع صحابه عشان معهوش تمن المشاريب! عايز حق البنت الطيبه اللى خرجت من بيتها تشتغل عشان ابوها خلاص مش قادر يديها مصروف   أنا عمرى ما كنت اخوان ولا يمين ولا يسار عمرى ما اعتقلت سياسيا ولا دينيا ولا تم اغتيال اى فرد من عائلتى بس خرجت عشان عشان أقول لأ لظلم وطغيان الداخليه لأ لغشم وجبروت أمن الدوله.لأ لقانون الطوارئ خرجت أقول عايز حق المعتقل السياسى اللى مشافش بيته وعياله من 20 سنه بدون تهمه ولا حتى محاكمه عايز حق اللى اتعذبوا واتقتلوا واتقهروا فى ظلمات أمن الدوله عايز حق دم المصرى البسيط اللى خرج يقول لأ ومعهوش حتى قصافه فدهسته عربية أمن مركزى   أنا بأه معايا فلوس وبشرب ميه معدنيه وعندى كمان فلتر مستورد فى البيت وبشترى أغلى فاكهه وأحسن خضار وبجيب العيش أبو جنيه الفريزر مليان لحمه ومعنديش أى تلاته مشكله لو كيلو اللحمه بقى ب100 ج بس خرجت عشان عايز الناس متشربش الميه اللى كلها بكتريا وفطريات وصرف صحى خرجت عشان الناس اللى بنعالجهم أن وزمايلى من السرطان كتروا أوى خرجت عشان القمح فاسد والمبيدات مسرطنه والأكل كله أمراض خرجت عشان الناس اللى عندهم تليف كبدى فيروسى وفشل كلوى أكتر من اللى عندهم برد   أنا بأه عندى حمام كيلوباترا يعجبك أوى وعندى شاشه دى فى دى 37 بوصه وبلاى ستيشن و2 موبايل وكافة شىء بس خرجت عشان عايز حق الغلابه فى المراكز اللى معندهمش صرف صحى ولسه بيحفروا ترنش عايز حق الست المسنه اللى عندها فوق ال80 سنه ومعندهاش كهربا ولا ميه خرجت عشان الست دى متشتريش جركن الميه -الجربانه- ب20 جنيه ايييييييييييه! محدش فيكوا بيتفرج على برنامج واحد من الناس وغيره وغيره   خرجت عشان مش عايز ضابط الشرطه يبلطج عليه مع انى معملتش حاجه! مش عايز أحس انى خايف وأنا داخل قسم الشرطه ومش عارف أنا خايف ليه! خرجت عشان مش عايز أدفع رشوه فى المرور والشهر العقارى والجمارك والضرايب والبلديه خرجت عشان مش عايز الغاز بتاعنا يروح لاسرائيل بأرخص من التمن اللى بندفعه احنا خرجت عشان مش عايز نحاصر أهلنا المساكين فى غزه واسرائيل بتضربهم بكل انواع القنابل خرجت عشان عايز فلوسى اللى خدها أحمد عز وملياراتى اللى راحت مع نواب القروض خرجت عشان مش عايز بلد ملهاش لازمه تهددنى انها هتقطع عنى مية النيل خرجت وخرج معايا شيوخ ازهر وسلفيين واخوان وعمرو خالد ويساريين وممثلين وأدباء ومسيحين كلنا على كلمه واحد: يسقط مبارك الطاغيه   نسيتم العباره والكام الف اللى ماتوا وحسنى وحكومته سابوا الكلب يهرب نسيتم خالد سعيد ومحمد السيد بلال وكل اللى اتقتلوا لمجرد الاشتباه نسيتم الدكتور المصرى اللى اتجلد فى السعوديه وكرامتنا اللى اتهانت نسيتم الشباب اللى اتضرب برصاص اسرائيل عالحدود ومحدش فتح بأه   اصدقه ليه وهو كل خماسيه بيقول الخماسيه الجايه كل حاجه هتحصل احترمه ليه وهو خلانى مهان فى بلدى وفى بره بلدى وفى كل بلد احترمه ليه ومدير مكتبه السابق قال مبارك لم يكن يهتم بتقرير الشعب اليوميه     عارفين القذافى اللى بعضنا بيتريق عليه!؟ بقاله فى الحكم أكتر من مبارك بس هو مدلع شعبه.مفيش جمارك.العربيات رخيصه.مستوى الدخل مرتفع بياكل بعقل وسايب حته كبيره للشعب.لكن مبارك حكومته سفاحيييين. كل ……. ومتفتحش بأك يا كلب!!! قناة السويس,السياحه,الاثار,الزراعه,الصناعه,الثروه السمكيه,الغاز والبترول فين كل ده يا حراااميه..سرقتونى..وكمان خوفتونى بالداخليه!     محدش يقولى المظاهرات مدسوسه وأمريكا والمعارضه والاخوان وكفايه هيحرقوا البلد أنا محدش حركنى غير احساسى بالظلم والمهانه والسرقه والنهب والقهر ولا فى أى حزب معارضه ولا قوى سياسيه ولا قوى خارجيه تقدر تحرك 4مليون مصرى فى نفس الوقت وتانى يوم الضهر يطلع بلطجية الداخليه ورجال الأعمال المستفيدين من النظام بخيول وأسلحه بيضاء وقنابل غاز وغيره يهجمون على العائلات والستات والبنات والأطفال العزل   اللى هيقول غير كده هحط صباعى فى عينيه.انا وصحابى كنا هناك وشوفنا بنفسنا دانا وصحابى قلنا نروح بعد خطاب الريس ونحكم صوت العقل.مجرد وصولنا رمسيس طلعوا علينا الف بلطجى بيهتفوا لمبارك بأسلحه ونجينا منهم بأعجوبه عارفين.لولا لطف ربنا كنتم سمعتوا عن 6 شباب ماتوا فى عربيه فى رمسيس   اوعى تقولى المتظاهرين السلميين روحوا ليلة الخطاب واللى موجودين الان اخوان ومعارضه على اساس انهم كلموا بلطجية الحكومه على الموبايل وقالولهم نتقابل فى الميدان بكره الضهر ظبطوا المواعيد بعد ماحنا مشينا ونزلوا فارس لفارس فى الميدان واللى يكسب يطلع على قصر العروبه وحلال عليه! .فيلم هندى اخر حاجه   والله وبالله وتالله اللى بينضربوا وبيموتوا وبيتقطعوا فى الميدان هم المتظاهرين السلميين بتوعنا والله وبالله وتالله فيهم ستات وبنات وأطفال ومش عارفين يروحوا ده حتى مصطفى الفقى وكلكم عارفين انه كان مستشار مبارك زمان قال اللى عمل الفتنه والبلبله والضرب ده هو وزير الداخليه وده فكره   وبطايقهم اتمسكت وكارنيهات  أمن الدوله والمباحث وكل الناس شافتهم ده غير ان بعضهم بالفعل اعترف انه داخليه او مرتزقه وواخد 100 جنيه طبعا حبيب العادلى ونواب الشعب اللى هيتزحلقوا مش ممكن يمشوا بهدوء بس السؤال مين اللى جابهم وحكمهم فينا!؟   أنا لم ولن أدعو الى القتال أو محاربة أى مسلم او مصرى مهما كان السبب. ولن أشارك فى نزاع على الحكم أنا اسف جدا لما وصلت اليه الأمور ولما يحدث فى الميدان الان ولكنى لست أحمق .ولن أنسى أن السبب فى كل هذه الفتنه هو مبارك ونظامه ليست المظاهرات السلميه هى السبب.ولكن غرور مبارك ونظامه هم السبب بطش وظلم وقهر وطغيان وجبروت 30 عاما هو السبب وبعد انقشاع الفتنه.سأخرج مره أخرى فى مظاهره سلميه أطالب بتنحى الدكتاتور الظالم   متقليش البنت بتاعة المحور واسرائيل وأنا خنت بابا حسنى وندمانه والله هشتم شتايم وسخه! احنا مش فى سينما الأطفال هنا ومتقليش الجزيره بيكرهونا  وبياخدوا فلوس من اسرائيل عشان يشوهوا صورتنا اسرائيل أكثر دوله فى العالم خسرانه من سقوط مبارك وتدعو الى مساندته مظبطهم طبعا اخر حاجه.غاز وحديد وتطبيع ومحاصرة فلسطين وتهنئه بعيد تأسيس دولتهم طب ماشى الجزيره كخه.والعربيه برده كخه!؟والبى بى سى كخه!؟ والفرنسيه كخه!؟   لما أنا المرفه نسبيا أخرج عشان حضرتك يا أستاذ وحضرتك يا أستاذه وأسيب مرتبتى الماستر بيد وأنام على الأرض عشان خاطركم وتيجى تقولى فى الاخر بلاش خراب فى البلد كفايه كده عايزين نشوف مصالحنا وأكل عيشنا   عارف هقوللك اييييييه؟؟؟؟؟   هقولك يكفيك كام كيلو استفندى وتتفرج على التلفزيون المصرى وتقعد ساكت؟